تعالوا نتخيل ان فى حاجه فى حياتنا انا مش عارف هى ايه بس شبه القلم الكوريكتور , يعنى ببساطة كل مانعمل حاجه غلط سهل انها تتمسح , بس خلينا نتفق ان القلم الكوريكتور ما بيمسحش الغلط لكن بيغطيه , تفتكروا ان الاخطاء اللى بنعملها محتاجه تتغطى ولا تتمسح , تفتكروا ربنا بيمسح خطايانا ولا بيغطيها !!؟؟؟
ولو بيغطيها ينفع نشيل الغطا زى ما بنقدر نقشط الغطا اللى بيعملة القلم الكوريكتور انا فى رأيى ان ربنا بيمسح او بيزيل الخطية اللى بنعملها وكمان ما بيفكرناش بيها لكن احنا اللى دايمآ بنفتكرها وندخل فى دوامة الشعور بالذنب ويبتدى ابليس يقنعنا ان ربنا ممسحش الخطية لكن غطاها زى القلم الكوريكتور . اللى عايز اقوله احنا اللى بنقرر ان نستخدم القلم الكوريكتور او الاستيكه, لو اتجاهنا ناحية اننا هنقدر نقف قدام ابليس لوحدنا واننا هنقدر نتغلب عليه و فى الاخر هنعقع ونستمر فى السقوط ايمانآ مننا اننا زى الفل والامور فلة يبقى احنا بنغطى الخطية بخطية اكبر , لكن لما نجرى على ربنا اول ما نقع ونعترف بضعفنا يبقى فى الحالة دى بنستخدم الاستيكه او بنطلب من ربنا انه يزبل الخطية نهائيآ . فقررا هل هتفضل تستعمل الكوريكتور ولا هتجرى تستخدم الاستيكه ؟؟؟؟؟
