3EShHA - Philippians 1 : 27

جزء 3

02/07/2011

0 Comments

 
 إنهاردة هنكمل باقى عدد6 ونكمل لغاية آخر الأصحاح ...... وقفنا لغاية لما إن نحميا كان بيصلى نهار وليل ، لكن كان بيصلى يقول إيه ؟؟؟

وَيَعْتَرِفُ بِخَطَايَا بَنِي إِسْرَائِيلَ الَّتِي أَخْطَأْنَا بِهَا إِلَيْكَ. فَإِنِّي أَنَا وَبَيْتُ أَبِي قَدْ أَخْطَأْنَا. 7لَقَدْ أَفْسَدْنَا أَمَامَكَ وَلَمْ نَحْفَظِ الْوَصَايَا وَالْفَرَائِضَ وَالأَحْكَامَ الَّتِي أَمَرْتَ بِهَا مُوسَى عَبْدَكَغريب قوى الراجل ده ... إزاى بيقول إن هو وشعب إسرائيل غلطوا ؟؟ هو ماله بيهم ؟؟ هو ف بلد وهم ف بلد ، هو يعرف ربنا كويس وهم اللى غلطوا ........... امال إيه اللى حصل ؟؟؟

أصل نحميا ماكانش فاصل نفسه عن الشعب ، لكن زى ما قولنا المرة اللى فاتت كان حاسس إن القضية قضيته هو ... ومش أول مرة نقرا عن حد عمل كده فى الكتاب لكن كمان موسى عمل كده لما الله كان عايز يفنى الشعب وقال لموسى أنا هاخليك أمة عظيمة بس هافنى الشعب ده ... موسى رفض ده وإتوسل لله إنه مايعملش كده ووقف يحامى عن الشعب ( راجع خروج 32 : 9 - 13 ) .... هو دا قلب المتشفع
اللى بيتشفع لأى حاجة أو أى حد لازم يبقى جزء منه ... لازم قلبه يبقى مليان بالقضية دى وبالمشكلة دى
ودا اللى نحميا عمله ضم نفسه للشعب وإبتدى يتوب بدالهم ويترجى الله إنه يسامحهم وإبتدى ياخد دور الوسيط بين الله والشعب
مستعد تركع وتقعد بالأيام بتصلى بدموع وإنت بتتقطع على الزيغان بتاع عيلتك ، أصحابك ، كنيستك ، الشارع بتاعك ، المدينة بتاعتك ، بلدك كلها ؟؟؟؟؟؟
ولا إنت عايز صلاة زى كده تشترك فيها على الفيس وتحط صورة طفل راكع بيصلى وتكتب تحت الصورة آيه وخلاص كده؟؟؟؟؟

 

جزء 2

02/07/2011

0 Comments

 
 ومكملين فى أول حاجة عملية عملها نحميا لما سمع بخراب أورشليم .. إحنا قولنا إنه صلى لكن صلاة نحميا دى لوحديها عايزة تأمل وكل ما تتأمل فيها تكتشف حاجات غريبة ... تكتشف إن الراجل دا ماكنش شخص حماسى بتاع صلاة لحدث أو صلاة علشان قالوا نصلى .... لكن كان بيصلى لأنه حاسس إن المشكلة دى مشكلته هو ، والقضية دى بتاعته ولازم هو اللى يترافع فيها
خلونا نتأمل فى الصلاة بتاعت نحميا
٥ وَقُلْتُ: «أَيُّهَا الرَّبُّ إِلهُ السَّمَاءِ، الإِلهُ الْعَظِيمُ الْمَخُوفُ، الْحَافِظُ الْعَهْدَ وَالرَّحْمَةَ لِمُحِبِّيهِ وَحَافِظِي وَصَايَاهُ.
نحميا إبتدى الصلاة بتسبيح لله وإنه يعظمه .... قد إيه إحنا كتير بننسى نعمل كده وبنبتدى الصلاة وكأنها لسته طلبات ( يارب عايزين وعايزين وعايزين ) وكأن الصلاة دى فقرة ما يطلبه المستمعون وكل واحد بيقول هو عايز إيه
أو فيه ناس بتفضل تقدم شكر وشكر وشكر علشان بعد كده تدخل على الطلبات
لكن الأجمل والأحلى واللى الله بيحبه أكتر هو إنى أقعد معاه لأنى عايزه هو مش عايز عطاياه مش قاعد معاه علشان مجرد أشكر على اللى هو بيعمله معايا كنوع من رد الجميل وخلاص
لكن الله مستنى ناس تعرف تسبحه وتعظمه وتديله قيمته فى حياتها

 

جزء 1

02/07/2011

0 Comments

 
نحميا كان مختلف عن باقى الناس اللى معاه. لو بصينا على اللى حصلى فى نحميا أصحاح 1
هنلاقى إن فيه ناس راحوا لنحميا من أهل يهوذا ولما سألهم عن أحوال البلد قالوله
«إِنَّ الْبَاقِينَ الَّذِينَ بَقُوا مِنَ السَّبْيِ هُنَاكَ فِي الْبِلاَدِ، هُمْ فِي شَرّ عَظِيمٍ وَعَارٍ. وَسُورُ أُورُشَلِيمَ مُنْهَدِمٌ، وَأَبْوَابُهَا مَحْرُوقَةٌ بِالنَّارِ».
خلونا نتأمل فى اللى عمله نحميا ونعمل زيه بالظبط
فَلَمَّا سَمِعْتُ هذَا الْكَلاَمَ جَلَسْتُ وَبَكَيْتُ وَنُحْتُ أَيَّامًا، وَصُمْتُ وَصَلَّيْتُ أَمَامَ إِلهِ السَّمَاءِ
أول لما سمع الأخبار دى جلس وبكى وناح أيااااااااااااام وصام وصلى لله
السؤال دلوقت .... ياترى إنت موقفك إيه من اللى بيحصل ؟؟؟ إنت بتبكى علشان البلد .. ولا ظايط فى الظيطة ( قالوا نغير قلت وماله .. قالوا خلاص هنعمر قلت حلو برضو مش وحش )
ياترى ليك موقف من اللى بيحصل .. قلبك واكلك على البلد وعلى حالها وعلى بعدها عن ربنا ... فيه دمار هيجى على البلد وإحنا كل اللى بنعمله بنحط ترانيم على الفيس ... بنحط صور لمبارك ولعلم مصر
مش هى دى الإيجابية ومش هو دا اللى الله عايزة مننا فى الوقت ده 
لو مافوقناش للى الله عايز يعمله فى البلد هيفوتك كتير
تعالوا نصلى ونبكى علشان البلد ..... صدقونى تستاهل