ليكن نور
كتير مننا بيقرا تكوين 1 على إنه درس تاريخ أو إنه رد على نظرية التطور لداروين ، بس بصراحة لما اتأملت فى أول 3 أيام فى الخليقة لقيت التتابع بتاعهم غريب ... حسيت إن أول 3 أيام دول مش بس قصة حاجات بتتخلق لكن دى قصتى ( الماضى والحاضر والمستقبل ) دى الخطة اللى الله راسمها لكل واحد فينا ... طبعا دى فكرة تأملية مش لاهوتية علشان ماحدش يقولى إنت بتهرطق
خلونى أشاركم بالفكرة فى 4 نقط
1- كَانَتِ الأَرْضُ خَرِبَةً وَخَالِيَةً، وَعَلَى وَجْهِ الْغَمْرِ ظُلْمَةٌ
دى حالتى وحالة كل واحد فينا قبل ما الله يتدخل فى حياتنا وقبل ما نسمحله إنه يغيرنا .. كنا عبارة عن خرابة ( مقلب زبالة كبير ) وكمان ضلمة . لكن لما بنسمح إن الله يتدخل وينضفنا بندخل على النقطة التانية
2- وَقَالَ اللهُ: «لِيَكُنْ نُورٌ»، فَكَانَ نُورٌ.
لما تسمح لله إنه يتدخل فى حياتك و يغيرك دايما أول حاجة بيعملها إنه ينور فى حياتك ويديك نور يطرد الضلمة اللى إنت كنت فيها . نور يخليك تشوف حاجات الضلمة كانت مدارياها نور يجدد الحياة جواك . ولما حياتك بتنور وبتقدر تشوف الله وتشوف نفسك فى نور الله ، الله بينقلك على المرحلة التالتة
3- وَقَالَ اللهُ: «لِيَكُنْ جَلَدٌ فِي وَسَطِ الْمِيَاهِ. وَلْيَكُنْ فَاصِلاً بَيْنَ مِيَاهٍ وَمِيَاهٍ».
الله بيخلق جواك فاصل بين القديم بتاعك والجديد . الفاصل دا ماكنش ممكن يبقى موجود قبل النور لأنك محتاج إن النور يملاك فتبقى إنت من جواك لوحدك عايز الله يخلق فيك الفاصل ده . الفاصل ده هو إنفصالك عن العالم وعن الجسد وعن حياتك القديمة .
الله لما فصل ، فصل بين مياه ومياه ، إحنا كمان بعد ما نرجع لله بيبقى عندنا نوعين ميه .. فيه نوع بيبقى إلهى ميه مقدسة من الله .. وفيه ميه معفنة بتاعت إبليس وبتاعت العالم . لكن الله بيفصل بينهم وبيركز على النوع الأول ( الميه المقدسة ) ودى النقطة الرابعة والأخيرة
4- وَقَالَ اللهُ: «لِتَجْتَمِعِ الْمِيَاهُ تَحْتَ السَّمَاءِ إِلَى مَكَانٍ وَاحِدٍ
الله هيديك ميه حية من عنده .. يروى حياتك بميه الروح القدس فتتملى منه وتفيض ونتيجة للإمتلاء ده تبدأ أرضك بالإثمار
وَقَالَ اللهُ: «لِتُنْبِتِ الأَرْضُ عُشْبًا وَبَقْلاً يُبْزِرُ بِزْرًا، وَشَجَرًا ذَا ثَمَرٍ يَعْمَلُ ثَمَرًا كَجِنْسِهِ، بِزْرُهُ فِيهِ عَلَى الأَرْضِ».
تبقى شهادة وتبدأ تجيب ثمر وتبقى فعال وحياتك ليها تأثير
دى الصورة اللى كانت موجودة فى ذهنى وحبيت أسجلها علشان مانساش أبدا إن كل ما الضلمة تزيد فى حياتى محتاج الله يأمر بنور فى حياتى ، وكل ما مبادئ العالم تدخل علىَّ وتختلط بالمبادئ الروحية المظبوطة الله يفصلّى بينهم ويحافظلى على المبادئ اللى من عنده ويخليها تملانى وبكده هاقدر أكون غصن مثمر فى الكرمة
ياترى سمعت من الله كلمة "ليكن نور" ولا لسه ؟؟
خلونى أشاركم بالفكرة فى 4 نقط
1- كَانَتِ الأَرْضُ خَرِبَةً وَخَالِيَةً، وَعَلَى وَجْهِ الْغَمْرِ ظُلْمَةٌ
دى حالتى وحالة كل واحد فينا قبل ما الله يتدخل فى حياتنا وقبل ما نسمحله إنه يغيرنا .. كنا عبارة عن خرابة ( مقلب زبالة كبير ) وكمان ضلمة . لكن لما بنسمح إن الله يتدخل وينضفنا بندخل على النقطة التانية
2- وَقَالَ اللهُ: «لِيَكُنْ نُورٌ»، فَكَانَ نُورٌ.
لما تسمح لله إنه يتدخل فى حياتك و يغيرك دايما أول حاجة بيعملها إنه ينور فى حياتك ويديك نور يطرد الضلمة اللى إنت كنت فيها . نور يخليك تشوف حاجات الضلمة كانت مدارياها نور يجدد الحياة جواك . ولما حياتك بتنور وبتقدر تشوف الله وتشوف نفسك فى نور الله ، الله بينقلك على المرحلة التالتة
3- وَقَالَ اللهُ: «لِيَكُنْ جَلَدٌ فِي وَسَطِ الْمِيَاهِ. وَلْيَكُنْ فَاصِلاً بَيْنَ مِيَاهٍ وَمِيَاهٍ».
الله بيخلق جواك فاصل بين القديم بتاعك والجديد . الفاصل دا ماكنش ممكن يبقى موجود قبل النور لأنك محتاج إن النور يملاك فتبقى إنت من جواك لوحدك عايز الله يخلق فيك الفاصل ده . الفاصل ده هو إنفصالك عن العالم وعن الجسد وعن حياتك القديمة .
الله لما فصل ، فصل بين مياه ومياه ، إحنا كمان بعد ما نرجع لله بيبقى عندنا نوعين ميه .. فيه نوع بيبقى إلهى ميه مقدسة من الله .. وفيه ميه معفنة بتاعت إبليس وبتاعت العالم . لكن الله بيفصل بينهم وبيركز على النوع الأول ( الميه المقدسة ) ودى النقطة الرابعة والأخيرة
4- وَقَالَ اللهُ: «لِتَجْتَمِعِ الْمِيَاهُ تَحْتَ السَّمَاءِ إِلَى مَكَانٍ وَاحِدٍ
الله هيديك ميه حية من عنده .. يروى حياتك بميه الروح القدس فتتملى منه وتفيض ونتيجة للإمتلاء ده تبدأ أرضك بالإثمار
وَقَالَ اللهُ: «لِتُنْبِتِ الأَرْضُ عُشْبًا وَبَقْلاً يُبْزِرُ بِزْرًا، وَشَجَرًا ذَا ثَمَرٍ يَعْمَلُ ثَمَرًا كَجِنْسِهِ، بِزْرُهُ فِيهِ عَلَى الأَرْضِ».
تبقى شهادة وتبدأ تجيب ثمر وتبقى فعال وحياتك ليها تأثير
دى الصورة اللى كانت موجودة فى ذهنى وحبيت أسجلها علشان مانساش أبدا إن كل ما الضلمة تزيد فى حياتى محتاج الله يأمر بنور فى حياتى ، وكل ما مبادئ العالم تدخل علىَّ وتختلط بالمبادئ الروحية المظبوطة الله يفصلّى بينهم ويحافظلى على المبادئ اللى من عنده ويخليها تملانى وبكده هاقدر أكون غصن مثمر فى الكرمة
ياترى سمعت من الله كلمة "ليكن نور" ولا لسه ؟؟