دايما فيه يوم فاصل فى حياة أى إنسان .. يوم بيقسم حياته أو فترة من حياته لنصين ( قبل وبعد ) ... هنشوف مع بعض بسرعة إزاى كان فيه ناس من الكتاب المقدس عندهم أيام قسمت حياتهم نصين
شعب إسرائيل
و لكن اميز في ذلك اليوم ارض جاسان حيث شعبي مقيم حتى لا يكون هناك ذبان لكي تعلم اني انا الرب في الارض خر 8 : 22
فى آيات كتير إتذكر فيها أيام فاصلة فى تاريخ شعب إسرائيل .. بس الآية دى بالذات لازم نحطها على جنب ونقف قدامها شوية
أثناء الضربات العشرة على مصر حصل حاجة غريبة جدا مع شعب إسرائيل ، وهى إن الله ميزهم عن المصريين وماكنش عليهم أى ضرر
ببساطة عايزين نقول لكل واحد خايف من الظروف واللى بيحصل" أوعى تخاف ، إنت مميز " ..... إنت مميز لأنك إبن لإله قدير يعرف يحميك
لما كانت الضربة دى على مصر الله ماخرجش الشعب بره وفصلهم بره البلد علشان مايحصلهمش حاجة ... بالعكس ، الشعب كانوا موجودين فى وسط الأرض بس هم بالذات مافيش حاجة حصلتلهم
أوعى تخاف من ظروف .. مش هنضحك عليكم ونقول إن الدنيا وردى بس برضو هى مش سودا .. أكبر المحلليلين السياسين مش عارفين الأحداث هتودينا على فين ... وإحنا مش عايزين نعرف ، لأننا واثقين فى اللى بإيده كل الأحداث واللى بيتحكم فيها
لو كل الناس حواليك خايفين .... خليك فاكر
أوعى تخاف ، إنت مميز
RSS Feed