فى ذلك اليوم - نوح البار

دايما فيه يوم فاصل فى حياة أى إنسان .. يوم بيقسم حياته أو فترة من حياته لنصين ( قبل وبعد ) ... هنشوف مع بعض بسرعة إزاى كان فيه ناس من الكتاب المقدس عندهم أيام قسمت حياتهم نصين 

نوح البار

في سنة ست مئة من حياة نوح في الشهر الثاني في اليوم السابع عشر من الشهر في ذلك اليوم انفجرت كل ينابيع الغمر العظيم و انفتحت طاقات السماء  
تك  7 :  11
في ذلك اليوم عينه دخل نوح و سام و حام و يافث بنو نوح و امراة نوح و ثلاث نساء بنيه معهم الى الفلك  
 تك  7 :  13

اليوم دا كان الفاصل فى حياة نوح ، لأن اليوم دا هو نفس اليوم اللى كان الفاصل فى تاريخ البشر اللى كانوا عايشين فى اليوم ده

اليوم دا كان يوم بداية الطوفان على الأرض وإبادة كل البشر الموجودين ماعدا نوح وعيلته .... يعنى كان يوم خراب على كل البشر ، بس كان يوم بديمهد لبداية جديدة على الأرض وبداية جديدة لعيلة نوح يعنى نقدر نقول إنهم إتولدوا من جديد فى اليوم ده

ياترى لو اليوم دا إتكرر هيبقى إيه موقفك ؟؟؟؟؟ خراب عليك ؟؟؟؟؟؟؟ ولا يوم إنقاذ ليك ؟؟؟؟؟؟؟
فكر كويس لغاية لما نتقابل مع شخصية تانى كان عندها يوم فاصل فى حياتها

---