الوقت اللى فات دا فيه ناس كانت مع وجود الرئيس وناس كانت ضد الرئيس .... وكان فيه آراء كتير موجودة ولخبطة والناس مش عارفة تصدق مين وماتصدقش مين ... لكن اللى كلنا متفقين عليه دلوقت إن بلدنا بتمر بوقت صعب وقت علشان كل واحد يبدأ التغيير من نفسه .... فيه حاجات كتير أول ما الثورة قامت وبعد ما إتنحى الرئيس فعلا إبتدت حاجات تنزل وتقولك مش هنعاكس ومش هنرمى حاجة فى الأرض ومش هنعمل ومش هنعمل ....
كلام كتير وكلام حلو مش بأقول إنه غلط ، لكن إحنا عايزين شكل مختلف من التغيير
وعلشان ماطولش عليكم أنا بأفكر إن التغيير دا يبدأ من ناحيتين ؛ الناحية الروحية والناحية العملية .. والإتنين منفدين على بعض
الناحية الروحية :
زى ما إحنا شطار قوى إننا نقول عايزين الرئيس يمشى وزى ما إحنا شطار قوى ومش بنخاف وبننزل مظاهرات
ـ ليه مش بنتشطر على اللى مرمطنا ومستعبدنا بجد ومضيع حياتنا وأبديتنا ... طبعا إنتوا كده فهمتوا إنى أقصد إبليس
ـ إنتوا عارفين إنى أحيانا بأحسد إبليس على اللى هو فيه .... علشان هو الوحيد اللى مبهدل الناس كلها ومع ذلك تلاقيهم مبسوطين جدا و لو قولتلهم إن يسوع بيحبكم وعايز يديلكم حرية حقيقية وسعادة يقولولك لا إحنا كده مبسوطين أو تلاقى واحد يقولك أصل مش هينفع أسيب أصحابة وشلة الأنس واللى بأعمله لوحدى فى البيت من غير ما حد يشوفنى
فعلا بأستعجب على اللى يعيش عمره وهو راضى بالذل وفاكره حرية .. وراضى إنه يفضل واخد على قفاه تحت مبدأ ضرب الحبيب
ياريت نفوق ونصحى لروحنا شوية ... العالم كله بيتكلم دلوقت عن النهاية اللى قربت والحاجات الغريبة اللى بتحصل فى الدنيا ..... ياترى إنت فين من دا كله ؟؟؟ ابدأ بأهم تغيير ممكن يحصل ( التغيير الأبدى )
الناحية العملية :
ـ مش بس التغيير هو إنى مارميش حاجة على الأرض أو إنى أنزل أكنس الشارع مع الناس اللى بتنزل
إيه فايدة إيد بتبنى وعشرة بيهدوا .. أنا شايف (دا رأى شخصى) إن لازم كمان زى ما انا إبتديت أتغير لازم أغير اللى حواليا ، أنا عارف إنها حاجة مش سهلة لكن لازم نعمل كده ... زى ما إبتدينا نفهم فى السياسة وعايزين يبقالنا دور فى البلد وإننا نبنيها مع بعض .. لازم نوصل الوعى دا للناس اللى حوالينا ونبدأ ننشر الفكر ده
واللى عايز يشتغل بجد ويعمل حاجة مفيدة ويبتدى معانا التغيير بس مش بس بنفسه لكن هنوصل الفكر دا لكل الناس اللى حوالينا ، وعلشان كده هنعمل كام حاجة مع بعض
المطلوب مننا الفترة اللى جاية من الناحية الروحية عايزين نكون أمناء جدا مع نفسنا فى اللى جاى ده
ياترى لو – لاقدر الله – مت دلوقت هتروح فين ؟؟؟؟ هل فكرت قبل كده ف قد إيه الله حبك وفكرت قدامها إنت قد إيه بتصرفاتك بتعبر عن كراهية وعصيان عليه ؟؟؟
نفسى كل واحد يفكر فى الموضوع دا كويس جدا .. صدقونى الموضوع يستاهل ..... مش معقول يكون كل الناس حوالينا وممكن يكونوا مش مسيحيين أصلا ومع ذلك إبتدوا يصحوا إن النهاية قربت وإحنا اللى مزروعين جوا الكنيسة لسه مانعرفش المسيح بجد
اللى محتاج أى مساعدة أو عنده أى سؤال أو نفسه يحكى مع حد ممكن يبعتلنا على الإيميل بتاع الجروب
[email protected]
ويكتبلنا إسمه ورقم تليفونه وإسمه على الفيس علشان نقدر نتواصل معاه ومش عايزين حد يتكسف أو يتردد فى طلب المساعدة
ـ أما بقى من الناحية العملية فهنبتدى بكام حاجة بسيطة ولو لقينا فيه إستجابة هنكمل فى كام حاجة تانى وندخل مع بعض فى مناطق فى حياتنا يمكن ماحدش جرب يجى ناحيتها
1- بما إننا موجودين أكتر على النت وخصوصا الفيس .. فإحنا أول حاجة هنعملها إننا نغير صورة البروفيل بتاعتنا ونخليها الصورة المحطوطة دى وهنلاقيها كمان فى صفحة الجروب موجودة علشان نحطها كلنا
2- لمدة إسبوع كامل ماحدش هيكتب غير كلام مفيد فى الـ
statues
بتاعتنا سواء كان كلام دينى أو كلام عادى المهم يكون حاجة مفيدة للناس اللى بتقرا الكلام ده .. وكمان علشان نشارك بعض بالكلام دا هنكون بندخل على صفحة عيشها ونكتب الكلام ده علشان نفيد بيه بعض
3- هنعمل حاجة صعبة شوية على بعض الناس اللى هم بيحبوا الرغى فى أى كلام على الشات ... الحاجة دى إننا هنتكلم بس فى حاجات مفيدة ونبدأ ننشر فكرة التغيير لكل الناس اللى نعرفها أو اللى مانعرفهاش والموجودين على الشات ... وكمان ندعيهم إنهم يشتركوا معانا فى اللى إحنا بنعمله ده ونبعتلهم اللينك بتاع صفحة عيشها علشان يتواصلوا معانا أكتر
كفاية كده عليكم ... ومستنيين نسمع منكم رأيكم ونتواصل مع بعض أكتر
وعلشان ماطولش عليكم أنا بأفكر إن التغيير دا يبدأ من ناحيتين ؛ الناحية الروحية والناحية العملية .. والإتنين منفدين على بعض
الناحية الروحية :
زى ما إحنا شطار قوى إننا نقول عايزين الرئيس يمشى وزى ما إحنا شطار قوى ومش بنخاف وبننزل مظاهرات
ـ ليه مش بنتشطر على اللى مرمطنا ومستعبدنا بجد ومضيع حياتنا وأبديتنا ... طبعا إنتوا كده فهمتوا إنى أقصد إبليس
ـ إنتوا عارفين إنى أحيانا بأحسد إبليس على اللى هو فيه .... علشان هو الوحيد اللى مبهدل الناس كلها ومع ذلك تلاقيهم مبسوطين جدا و لو قولتلهم إن يسوع بيحبكم وعايز يديلكم حرية حقيقية وسعادة يقولولك لا إحنا كده مبسوطين أو تلاقى واحد يقولك أصل مش هينفع أسيب أصحابة وشلة الأنس واللى بأعمله لوحدى فى البيت من غير ما حد يشوفنى
فعلا بأستعجب على اللى يعيش عمره وهو راضى بالذل وفاكره حرية .. وراضى إنه يفضل واخد على قفاه تحت مبدأ ضرب الحبيب
ياريت نفوق ونصحى لروحنا شوية ... العالم كله بيتكلم دلوقت عن النهاية اللى قربت والحاجات الغريبة اللى بتحصل فى الدنيا ..... ياترى إنت فين من دا كله ؟؟؟ ابدأ بأهم تغيير ممكن يحصل ( التغيير الأبدى )
الناحية العملية :
ـ مش بس التغيير هو إنى مارميش حاجة على الأرض أو إنى أنزل أكنس الشارع مع الناس اللى بتنزل
إيه فايدة إيد بتبنى وعشرة بيهدوا .. أنا شايف (دا رأى شخصى) إن لازم كمان زى ما انا إبتديت أتغير لازم أغير اللى حواليا ، أنا عارف إنها حاجة مش سهلة لكن لازم نعمل كده ... زى ما إبتدينا نفهم فى السياسة وعايزين يبقالنا دور فى البلد وإننا نبنيها مع بعض .. لازم نوصل الوعى دا للناس اللى حوالينا ونبدأ ننشر الفكر ده
واللى عايز يشتغل بجد ويعمل حاجة مفيدة ويبتدى معانا التغيير بس مش بس بنفسه لكن هنوصل الفكر دا لكل الناس اللى حوالينا ، وعلشان كده هنعمل كام حاجة مع بعض
المطلوب مننا الفترة اللى جاية من الناحية الروحية عايزين نكون أمناء جدا مع نفسنا فى اللى جاى ده
ياترى لو – لاقدر الله – مت دلوقت هتروح فين ؟؟؟؟ هل فكرت قبل كده ف قد إيه الله حبك وفكرت قدامها إنت قد إيه بتصرفاتك بتعبر عن كراهية وعصيان عليه ؟؟؟
نفسى كل واحد يفكر فى الموضوع دا كويس جدا .. صدقونى الموضوع يستاهل ..... مش معقول يكون كل الناس حوالينا وممكن يكونوا مش مسيحيين أصلا ومع ذلك إبتدوا يصحوا إن النهاية قربت وإحنا اللى مزروعين جوا الكنيسة لسه مانعرفش المسيح بجد
اللى محتاج أى مساعدة أو عنده أى سؤال أو نفسه يحكى مع حد ممكن يبعتلنا على الإيميل بتاع الجروب
[email protected]
ويكتبلنا إسمه ورقم تليفونه وإسمه على الفيس علشان نقدر نتواصل معاه ومش عايزين حد يتكسف أو يتردد فى طلب المساعدة
ـ أما بقى من الناحية العملية فهنبتدى بكام حاجة بسيطة ولو لقينا فيه إستجابة هنكمل فى كام حاجة تانى وندخل مع بعض فى مناطق فى حياتنا يمكن ماحدش جرب يجى ناحيتها
1- بما إننا موجودين أكتر على النت وخصوصا الفيس .. فإحنا أول حاجة هنعملها إننا نغير صورة البروفيل بتاعتنا ونخليها الصورة المحطوطة دى وهنلاقيها كمان فى صفحة الجروب موجودة علشان نحطها كلنا
2- لمدة إسبوع كامل ماحدش هيكتب غير كلام مفيد فى الـ
statues
بتاعتنا سواء كان كلام دينى أو كلام عادى المهم يكون حاجة مفيدة للناس اللى بتقرا الكلام ده .. وكمان علشان نشارك بعض بالكلام دا هنكون بندخل على صفحة عيشها ونكتب الكلام ده علشان نفيد بيه بعض
3- هنعمل حاجة صعبة شوية على بعض الناس اللى هم بيحبوا الرغى فى أى كلام على الشات ... الحاجة دى إننا هنتكلم بس فى حاجات مفيدة ونبدأ ننشر فكرة التغيير لكل الناس اللى نعرفها أو اللى مانعرفهاش والموجودين على الشات ... وكمان ندعيهم إنهم يشتركوا معانا فى اللى إحنا بنعمله ده ونبعتلهم اللينك بتاع صفحة عيشها علشان يتواصلوا معانا أكتر
كفاية كده عليكم ... ومستنيين نسمع منكم رأيكم ونتواصل مع بعض أكتر
