3EShHA - Philippians 1 : 27
 
الموعظة على الجبل من أصعب الحاجات اللى ممكن نتكلم عنها فى وقت قليل .. ودا لأنها مش بس كبيرة فى حجمها لكن كمان لو فضلنا نفسر فيها آيه آيه هنعوز موقع كامل .... لكن خلونا نتكلم شوية عن أصحاح 5 وبإختصار وكمان هنتفق على حاجتين نعملهم وياريت الناس تعملهم فعلا
Picture
شغلت "الموعظة على الجبل" الأصحاحات الثلاثة من إنجيل معلّمنا متّى [5-7]، وقد اهتم بها آباء الكنيسة الأولى، كما شغلت أذهان الحكماء من غير المسيحيّين، بكونها تمثل دستورًا حيًا للحياة الكاملة. يقول القدّيس أغسطينوس: "فيها كل المبادئ السامية اللازمة للحياة المسيحيّة الكاملة"

التطويبات
    بدأ المسيّا الملك دستوره بالجانب الإيجابي، فلم يتحدّث عن الممنوعات بل جذبهم إلى "الحياة الفاضلة"، كاشفًا لهم عن مكافأتها، ليحثّهم عليها. يقول القدّيس أغسطينوس: "مادمنا نحب المكافأة، يلزمنا ألا نهمل الجهاد لبلوغها. لنلتهب شوقًا نحو العمل للحصول عليها"


ولو أخدنا بالنا هنا هنلاقى إن المسيح فى التطويبات كان بيتكلم لكل الناس لأن الحاجات دى كان بيكلم كل الناس فيها وكأنه بيقول دى المفروض تكون أخلاق ومبادئ أى حد ... لكن من عدد 11 إبتدى بيكلم ناس معينين لأن الكلام دا مش لكل الناس لكن للمؤمنين بس أو الى هيرضوا إنهم يتهانوا علشان إسم المسيح

بعد كده المسيح بيبتدى يتكلم عن إرسالية لينا وهى إننا نكون ( ملح ونور ) وطبعا موضع الملح والنور دا كبير جدا لكن بإختصار المسيح عايزنا نكون شهادة نكون الحاجة اللى لازم تكون موجودة فى الأكل علشان تديله طعم مختلف(الملح)  والحاجة اللى لازم وجودها علشان تعرف تتحرك (النور) .... وعلشان كده عايزين كلنا نحط الصورة دى فى البروفايل بتاعنا و هنلاقيها هنـــــــــــا على صفحة عيشها

كمان باقى المواضيع اللى بيتكلم فيها فى الأصحاح دا صعب جدا علينا إننا نقبلها كبشر لأنها شوية ضد طبيعتنا
إحنا مش بنعرف نوصل لمستوى نضوج الحوار لدرجة إننا مانقولش حتى كلمة يا غبى (أحمق) ولا كمان مستوى القداسة عند المسيح مش هو بس عدم الزنا ، لكن مجرد النظرة لواحدة بإشتهاء تعتبر زنا


ســـــــــــؤال :
لو طبقنا الآية الموجودة فى عدد 28 ... ياترى هيبقى كل واحد فينا زنا كام مرة ؟؟؟؟؟ رد على نفسك وفكر كويس
كمان الطلاق والحلفان والغضب ومحبة الأعداء .......... حاجة تعقد
اللى نفسى الناس ترد علىَ فيه .... هل إنتوا شايفين إن الكلام دا مش واقعى ؟؟؟ يعنى الكلام دا صعب تطبيقه عمليا ؟؟؟
وإوعى تقولى لأ لمجرد إن المسيح هو اللى قال كده .. خلونا نجاوب بصراحة وممكن تكتب إسم مستعار فى الإجابة لو إنت مكسوف إنك تقول إجابتك كده

يبقى يا جماعة هنتفق على حاجتين :
أولا عايزين نحط كلنا الصورة الموجودة هنا دى على البروفايل بتاعنا لمدة إسبوع وهنلاقيها نازلة فى صفحة الجروب ... كمان هنكتب كلام مفيد وليه لازمة بدل الهيافة اللى بتبقى موجودة حوالينا دى
ثانيا ، هنجاوب على السؤال الموجود فى الآخر دا بصراحة شديدة .. هنحترم آراء بعض وهنحكى بطريقة راقية ونوصل لحل


السؤال :
هل إنت شايف إن الكلام دا مش واقعى ؟؟؟ يعنى الكلام دا صعب تطبيقه عمليا ولا ينفع نعمله ؟؟؟ لو هو صعب صعب ليه ، ولو هو عادى ليه مش بنعمله


klara
19/2/2011 05:24:53 pm

الكلام مش صعب ان احنا نعمله...لكن ليه مش بنعمله ده يرجع لاسباب كتيرزي مثلا ان احنا مش فاهمين ربنا صح او ابليس بيعرف يخدعنا كويس اواحنا مش عندنا استعداد ان احنا نتنازل عن الغلط او مش شايفين انه غلط اصلا..

Reply
maramiro
19/2/2011 09:08:55 pm

كلام الموعظة على الجبل مش صعب بس احنا محاولناش نطلب مساعدة ربنا اننا نطبقه يعنى منشغلين بحاجات كتير ف حياتنا غير كلام ربنا

Reply
Amir Talaat
19/2/2011 10:09:35 pm

طيب إحنا عايزين كلام عملى .. إيه اللى ممكن نعمله إحنا علشان نفوق للنقطة دى وإيه اللى ممكن نعمله علشان نساعد الناس حوالينا إنها تعيش صح ؟؟؟؟؟؟؟؟؟؟؟؟؟؟؟؟

Reply
bondok
20/2/2011 10:41:38 pm

sorry my mobile doesn't write arabic ,,
Hwa el kalam da msh s3b ll 2oryben mn rbna lkn tb3n s3b ll b3ed 3no ya3ny fe nas 7ayatha t3aks el bnat da lma t2olo mn el naharda mat3akssh yo3tbr sgn f kol 7aga tegy b el tdreb w el erada w tb3n ahm 7aga eno lma y7awl ybtl rbna ygazeh w ydelo n3ma 3ashan ystmr w lma ya5od brka aw gayza swa2 madya aw m3nwya aw ay 7aga t3br 3n eno mashy sa7 aked htb2a 3ndo m7bt el nas w el brka afdl mn eno y3ml 5tya ,, thx

Reply
Amir Talaat
23/2/2011 12:11:01 am

شوف يا بندق أنا معاك إن الموضوع مش بين يوم وليله هينتهى لكن دى أحيانا كتير بتبقى حجة علشان نعمل اللى بنعمله .. ونقول " أصل التغيير مش على طول ، التغيير خطوة خطوة " ... ودا طبعا فخ خطير جدا وكتير مننا بيقعوا فيه

لكن انا مختلف معاك فى نقطة إن ربنا يديله مكافأة علشان يكمل
المفروض إننا مش بنتعامل مع الله بالمبادئ بتاعتنا ... يعنى إحنا مش بنعمل الحاجة الكويسة علشان الشيكولاته اللى هتيجى فى الآخر ... علاقتنا مع الله مش المفروض تكون مصلحة ... لكن نكون بنتغير لأننا مقتنعين إننا وحشين ومحتاجين نتغير ومحتاجين المسيح علشان نبقى كويسين وعن طريقه نقدر نروح السما ودى أكبر جايزة ممكن الواحد ياخدها

Reply



Leave a Reply.