3EShHA - Philippians 1 : 27

جزء 3

02/07/2011

0 Comments

 
 إنهاردة هنكمل باقى عدد6 ونكمل لغاية آخر الأصحاح ...... وقفنا لغاية لما إن نحميا كان بيصلى نهار وليل ، لكن كان بيصلى يقول إيه ؟؟؟

وَيَعْتَرِفُ بِخَطَايَا بَنِي إِسْرَائِيلَ الَّتِي أَخْطَأْنَا بِهَا إِلَيْكَ. فَإِنِّي أَنَا وَبَيْتُ أَبِي قَدْ أَخْطَأْنَا. 7لَقَدْ أَفْسَدْنَا أَمَامَكَ وَلَمْ نَحْفَظِ الْوَصَايَا وَالْفَرَائِضَ وَالأَحْكَامَ الَّتِي أَمَرْتَ بِهَا مُوسَى عَبْدَكَغريب قوى الراجل ده ... إزاى بيقول إن هو وشعب إسرائيل غلطوا ؟؟ هو ماله بيهم ؟؟ هو ف بلد وهم ف بلد ، هو يعرف ربنا كويس وهم اللى غلطوا ........... امال إيه اللى حصل ؟؟؟

أصل نحميا ماكانش فاصل نفسه عن الشعب ، لكن زى ما قولنا المرة اللى فاتت كان حاسس إن القضية قضيته هو ... ومش أول مرة نقرا عن حد عمل كده فى الكتاب لكن كمان موسى عمل كده لما الله كان عايز يفنى الشعب وقال لموسى أنا هاخليك أمة عظيمة بس هافنى الشعب ده ... موسى رفض ده وإتوسل لله إنه مايعملش كده ووقف يحامى عن الشعب ( راجع خروج 32 : 9 - 13 ) .... هو دا قلب المتشفع
اللى بيتشفع لأى حاجة أو أى حد لازم يبقى جزء منه ... لازم قلبه يبقى مليان بالقضية دى وبالمشكلة دى
ودا اللى نحميا عمله ضم نفسه للشعب وإبتدى يتوب بدالهم ويترجى الله إنه يسامحهم وإبتدى ياخد دور الوسيط بين الله والشعب
مستعد تركع وتقعد بالأيام بتصلى بدموع وإنت بتتقطع على الزيغان بتاع عيلتك ، أصحابك ، كنيستك ، الشارع بتاعك ، المدينة بتاعتك ، بلدك كلها ؟؟؟؟؟؟
ولا إنت عايز صلاة زى كده تشترك فيها على الفيس وتحط صورة طفل راكع بيصلى وتكتب تحت الصورة آيه وخلاص كده؟؟؟؟؟

اذْكُرِ الْكَلاَمَ الَّذِي أَمَرْتَ بِهِ مُوسَى عَبْدَكَ قَائِلاً: إِنْ خُنْتُمْ فَإِنِّي أُفَرِّقُكُمْ فِي الشُّعُوبِ، 
٩ وَإِنْ رَجَعْتُمْ إِلَيَّ وَحَفِظْتُمْ وَصَايَايَ وَعَمِلْتُمُوهَا، إِنْ كَانَ الْمَنْفِيُّونَ مِنْكُمْ فِي أَقْصَاءِ السَّمَاوَاتِ، فَمِنْ هُنَاكَ أَجْمَعُهُمْ وَآتِي بِهِمْ إِلَى الْمَكَانِ الَّذِي اخْتَرْتُ لإِسْكَانِ اسْمِي فِيهِ. 
١٠ فَهُمْ عَبِيدُكَ وَشَعْبُكَ الَّذِي افْتَدَيْتَ بِقُوَّتِكَ الْعَظِيمَةِ وَيَدِكَ الشَّدِيدَةِ. 

نحميا إبتدى يعمل حاجة تانى حلوة جدا وهو بيصلى علشان شعبه
إبتدى يردد وعود الله لشعبه و - إن جاز التعبير- إبتدى يطالبه بتحقيقها ... وهنا بقى لينا وقفة قبل ما أختم
ياترى إنت عارف إيه وعود الله ؟؟؟ ولا إنت أصلا مش بتقرى كلمة الله وعلاقتك بيها نفس علاقتنا باللغة الصينية ؟؟؟
ياترى آخر معرفتك بكلام الله هو برامج البحث اللى بتكتب فيها الكلمة اللى عايزها علشان تكتب آيه عن الموضوع اللى إنت عايزه ؟؟؟؟

متهيألى لو ماطلعناش بحاجة من كل اللى فات غير النقطة دى يبقى مكسب .... راجع نفسك وراجع علاقتك بكلمة الله ..... إمتى آخر مرة قريت فيها الكتاب المقدس ؟؟ إمتى آخر مرة حفظت فيها آيه مش هاقول أصحاح ؟؟؟؟

كلمة الله اللى بين إيدينا غالية جدا ياترى إنت مقدرها صح ؟؟؟؟ ... ولا تقديرك ليها هو إنك حاططها على أجمل رف وف وسط الكتب المهمة بتاعتك لكن مش بتقراها ؟؟؟؟

راجع نفسك

 


Comments




Leave a Reply