3EShHA - Philippians 1 : 27
 
زي ما عرفنا ان الاسبوع ده بيتكلم عن المستقبل و التنبؤ بالمستقبل ..

اول حاجه احب اقولها ان المستقبل ده مجرد كلمه بنرددها لكن هيا مش موجوده ولو كان المستقبل موجود دلوقت واحنا بنعيشه ساعتها هايبقا اسمه حاضر مش مستقبل لاننا بنعيشه و بنعرف تفاصيله.

والمستقبل ده مش هايبقا موجود من غير حاضر لاننا بنعيش الحاضر و طريقة عيشتنا للحاضر بيترتب عليها المستقبل اللي احنا بنستناه
.
بول و العالم


والمستقبل اللي احنا بنتكلم عنه مش المستقبل الثابت او المستقبل المعروف
يعني مش بنتكلم عن اعياد الميلاد او عن مواعيد المباريات لان دي مستقبل ثابت بصفته الزمنيه لكن بالمعني اللفظي ليه ده مش مستقبل لانه معروف والانسان هوا اللي حدد معاده ومكانه .
لكن المستقبل اللي احنا بنتكلم عنه هوا المستقبل اللي مش معروف سواء معاده او مكانه او اي تفاصيل عنه ... وده اللي عارفه ربنا و اللي بتتكلم عنه كلمته .
فمثلا في العهد القديم ◄ تكلم عن ممالك، وهي في عز مجدها، وأخبر بفنائها، وما كان أحد يتخيل هذا المصير في وقتها.

وأخبر بهلاك صور (حزقيال26) وهي من أغرب النبوات التي تحققت بصورة مذهلة وتمت بالحرف الواحد.

والنبوات اللي كانت عن شخص المسيح واللي عددها في العهد القديم اكثر من 330 نبوه عن آلام المسيح والأمجاد اللي بعدها و تحققت النبوات اللي تتعلق بمجيئه الأول بكل دقة بحرفيتها

مثلا ↓↓↓
ولادته من عذراء بحسب (إشعياء7:14) 
مكان ولادته في بيت لحم (ميخا5:2) 
التجائه إلى مصر (هوشع11:1) 
رفضه من شعبه وآلامه (إشعياء35) 
صلبه (مزمور22:16) 
قيامته (مزمور16:10)

وكلها حصلت 

فلو كان في مستقبل مش معروف فربنا وحده هوا اللي عارفه 
وبما ان النهارده يوم الرياضه فانا حبيت اتكلم معاكم في موضوع كلنا عارفينه و اكيد كلنا سمعنا عنه
وهوا موضوع " الاخطابوط بول " اللي شغل العالم كله وبالذات في كاس العالم الاخيره 2010

"بول" اتولد في سنه 2008 ومات في 26 اكتوبر سنه 2010 
اتولد في انجلترا وبعد كده اتنقل لمدينه اوبرهاوزن الالمانيه 

وكان عليه اهتمام كبير جدا اعلاميا بسبب تنبؤاته اللي كان بيتنباها عن نتايج المباريات وخاصتا مباريات المانيا 

وابتدا "بول" حياته العمليه في سنه 2008 وبالتحديد في بطولة كاس الامم الاوروبيه لكرة القدم سنه 2008

وكل تنبؤاته عن نتايج مباريات المانيا كانت صحيحه ماعدا نتيجتين كانوا غلط وده العادي لانه بردو حيوان من دم ولحم .

لكن في بطولة كاس العالم 2010 تفوق "بول" علي نفسه و جميع توقعاته عن نتايج مباريات المانيا كانت صحيحه بما فيها خسارة المانيا في مباراتها مع صربيا
وخسارتها ايضا في مباراتها مع اسبانيا في نصف النهائي
التي كادت ان تودي بحياته لولا الحراسه التي ارسلها رئيس الوزراء الاسباني لحمايته من المشجعين الالمان.

وايضا تنبا بنتيجة المباراة النهائيه بين اسبانيا وهولندا وتنبا بفوز اسبانيا وكان هذا التنبؤ ايضا صحيحا

"بول سفير انجلترا"

وفي 20 اغسطس2010 اختير "بول" لمنصب ◄سفير انجلترا► في بطولة كاس العالم لكرة القدم 2018 

" وفاته "
وقال عاملون في مركز الحياة المائيه في مدينه اوبرهاوزن بغرب المانيا انهم صدموا عندما وجدوا بول ميتا لدي عودتهم الي العمل في 26 اكتوبر 2010 

وقال" شتيفان بورفول "مدير المركز يبدو أنه مات في سلام خلال الليل لأسباب طبيعية عزاؤنا أنه تمتع بحياة جيدة.

وبعد انتهاء كأس العالم عرضت حديقة حيوان إسبانية شراء الأخطبوط الذي تكهن بفوز إسبانيا بالكأس لكن المركز الألماني رفض بيعه. وصرح بورفول بأن بول سيوضع في ثلاجة إلى أن يقرر المركز كيف سيخلد ذكرى الأخطبوط الخارق للعادة. وقال "قد نقرر أن ندفن بول في أرض المركز ونقيم له مزارا دائما بسيطا"

◄الواضح من الكلام اللي فات ان العالم كله كان بيستني تنبؤات "الاخطبوط " وكل المجلات العالميه عشان تنشر تنبؤاته في صفحاتها.

ومع كل التقدم و التطور اللي وصلله العالم الا انه لسه بيدور علي معرفة المستقبل او معرفة الغيب لكن بطرقه الخاصه .

زمان كانت طريقة معرفة الغيب عن طريق ذبح 10 فتايات والقيام بما يعرف بالسحر الاسود وكان يتعارض مع مباديء حقوق الانسان.

ودلوقت العالم بيدور علي معرفة الغيب بطريقته الخاصه سواء عن طريق العرافه او السحر او ذي ماشفنا عن طريق الاخطابوط 

حتي انهم استخدموا الاخطابوط في التنبؤ بنتيجة الانتخابات الامريكيه الاخيره .

ولسه في بلاد باكملها مؤمنه بالعرافه و بتمشي امورها علي كلام العرافين والدجالين.

وحتي في الفيس بووك بنشوف ابليكيشن كتييير بتتكلم عن الحظ او المستقبل و الناس بتمشي عليها يومها.

يعني لو الابليكيشن قال انك هتحصللك مشكله بتكون مستنيها اليوم كله وكأن هوا ده مصدرك الاساسي في الحياة واللي علي حسب كلامه هتمشي اليوم و من غيره الحياة هتقف. 

وابتدت الناس تبعد عن " الكتاب المقدس " وعن الصلاه لانهم لقيه مصدر تاني ممكن يقوللهم علي اللي هيحصل في حياتهم وايامهم الجايه ويطمنهم علي مستقبلهم غير الكتاب المقدس .

وهوا ده اللي عايزه ابليس .

هل هتكون حياتنا ومستقبلنا في ايد ابليس وده لو مشينا في طريقه ؟؟
واللي نهايته هلاك.. متي13:7
ولا هتكون حياتنا في ايد ربنا ؟؟ 
وساعتها هيعلن مجده في مستقبلنا وحاضرنا. 

معلش طولت عليكم 
ربنا معاكم


 


Comments




Leave a Reply