دايما فيه يوم فاصل فى حياة أى إنسان .. يوم بيقسم حياته أو فترة من حياته لنصين ( قبل وبعد ) ... هنشوف مع بعض بسرعة إزاى كان فيه ناس من الكتاب المقدس عندهم أيام قسمت حياتهم نصين
ابراهيم
في ذلك اليوم قطع الرب مع ابرام ميثاقا قائلا لنسلك اعطي هذه الارض من نهر مصر الى النهر الكبير نهر الفرات تكوين 15 : 18
فأخذ ابراهيم اسماعيل ابنه و جميع ولدان بيته و جميع المبتاعين بفضته كل ذكر من اهل بيت ابراهيم و ختن لحم غرلتهم في ذلك اليوم عينه كما كلمه الله تكوين 17 : 23
في ذلك اليوم عينه ختن ابراهيم و اسماعيل ابنه تكوين 17 : 26
دا كان يوم فاصل فى حياة إبراهيم لأنه يوم اللى الله قطع عهد معاه ، ومن بعدها وحياة إبراهيم كلها إتغيرت
الله إختار إنه يعمل عهد مع إبراهيم ويباركه وإبراهيم وافق وعمل كده فعلا وكان جزء فى العهد إنه يتختن ويختن كل الذكور اللى فى بيته ... والختان فى الكتاب المقدس بيشير دايما للإنفصال عن الطبيعة القديمة وعن التغيير والدخول لشركة وعهد مع الله
الله نفسه يعمل العهد دا مع كل واحد فينا
وَهذَا هُوَ الْوَعْدُ الَّذِي وَعَدَنَا هُوَ بِهِ: الْحَيَاةُ الأَبَدِيَّةُ رسالة يوحنا الأولى 2 : 25
الَّذِي يُؤْمِنُ بِالابْنِ لَهُ حَيَاةٌ أَبَدِيَّةٌ، وَالَّذِي لاَ يُؤْمِنُ بِالابْنِ لَنْ يَرَى حَيَاةً بَلْ يَمْكُثُ عَلَيْهِ غَضَبُ اللهِ يوحنا 3 : 36
ياترى تقبل العهد دا ؟؟؟؟؟
ولا إنت مكتفى إنك مولود فى عيلة مسيحية وبتروح الكنيسة وأخلاقك كويسة ... للأسف كل دا مش كفاية .... الحاجة الوحيدة اللى تديك الحياة الأبدية وتخليك شريك فى العهد دا مع الله هى الإيمان
لأَنَّكُمْ بِالنِّعْمَةِ مُخَلَّصُونَ، بِالإِيمَانِ، وَذلِكَ لَيْسَ مِنْكُمْ. هُوَ عَطِيَّةُ اللهِ أفسس 2 : 8
إنهاردة ممكن يكون يوم فاصل فى حياتك زى إبراهيم .... ياترى تقبل ده ؟؟؟