الطموح

حلم احمد زويل بانه يكون عالم
فكتب يافطة على باب غرفته مكتوب عليها د.أحمد زويل
واتحقق الحلم واصبح حلمه حلم قومى للدولة كلها

حلم يوسف ابن يعقوب الفتى المدلل بانه هيكون اعظم اخواته
وتمر الايام والسنين والظروف ويتحقق الحلم 
ويصبح تانى واحد فى اعظم مملكة على الارض فى وقته

وانت ؟

!!ياترى عندك حلم لنفسك ولا الناس هى اللى بتحلملك
!! ياترى انت بتعيش حلم بابا او حلم ماما او حلم تيتا ولا حلم مين بالظبط
ياترى انت عندك طموح لنفسك ولمستقبلك 
احنا داخلين على سنة جديدة ياترى انت محدد لنفسك انت عاوز تعمل فيها ايه ؟؟
وعاوز تكون ايه ؟

: تعالوا نشوف رأى الكتاب المقدس فى موضوع الطموح ده

فى امثال 7:23 يقول الكتاب
لأنه كما شعر فى نفسه هكذا هو 
يعنى الصورة اللى انت راسمها لنفسك مش ممكن يحصل غيرها 
سواء كانت كويسة او وحشــــــــــــة

الكتاب يقول انه مش غلط انه يكون عندك طموح لنفسك
بس المهم : الطموح ده والاحلام دى مبنية على ايه ؟وايه اساها ؟
لو مبنية على نفسك فالكتاب بيرد ويقول فى امثال 5:3
توكل على الرب بكل قلبك وعلى فهمك لا تعتمد
ولو كانت مبنية على الاخرين فالكتاب بيقول 
ملعون من اتكل على ذراع بشر

الحل الوحيد انها تكون مبنية على الله 
فالله هو الوحيد اللى عنده اروع حلم لحياتك 
الله حلم بيك من قبل ماتيجى للدنيا 
الله حلم بيك منذ الازل، انت منذ الازل فى فكر الله
كل تفاصيل حياتك هى عنده واضحة بالكامل عنده
زى ما قالنا الكتاب فى رسالة افسس10:2
لأننا نحن عمله مخلوقين فى المسيح يسوع لاعمال صالحة قد سبق الله فاعدها لكى نسلك فيها

بس خلينى اسألك سؤال ياترى كام مرة فى حياتك اللى فاتت عشت اللى ربنا كان راسمه ليك انك تعيشه ؟؟
ياترى كام مرة اخترت الاختيار اللى ربنا كان عاوزك تختاره ؟؟
ياترى كام مرة قعدت مع الهك واتحدت بيه فى الفكر وعرفت فكره لحياتك ايه ؟؟

: ربنا بيدعيك واحنا فى بداية سنة جديدة ويقولك
!! تحب السنة الجديدة دى تكون فى ايدى 
ولا تكون فى ايدك زى كل مرة ؟؟

فكر قبل ماترد لان قرارك مبنى عليه سنة كاملة 
يا تعيشها بمخافة الله وتعيش احلى حياة وتحقق اعظم خطة ممكن ان حد يعيشها
يا تعيشها عادية زى كل سنة وزى ماكل الناس عايشينها

عيشها كما يحق لانجيل المسيح 

عيشها

---